Star alantre de la mudança einergética.

La einergie heidroeilétrica renobable ye ua fuonte cunfiable, bersatle i de fraco custo de produçon de letecidade berde i de goberno respunsable de l’auga.

Las nuossas barraiges dan ajudas para apressiar la Mudança Einergética, fornecendo einergie eissencial, armazenaige, dundieç i l remortigar de las altaraçones de l clima.

Todas las partes de l cunsórcio Movhera, la ENGIE, Crédit Agricole Assurances i a Mirova, stan deberas cumprometidos cun l mundo neutro an carbono.

L respeito pul Ambiente i por la Salude i Sigurança stá, para nós, siempre arriba de todo l más.

ENGIE

Cumo respuosta a las altaraçones de l clima, queremos apressiar la mudança para ua eiquenomie neutra an carbono, por meio de la reduçon de l gasto de einergie i de soluçones más amigas de l ambiente. Cunfiamos nas nuossas atebidades chabe ne l campo de las einergies renobables, redes i infrastruturas para oufrecer soluçones cumpetitibas a lhargo tiempo a ls nuossos fregueses, mormente a ampresas globales i outeridades locales. Cun arrimado a 171 000 trabalhadores nuossos, fregueses, parceiros i acionistas, somos ua quemunidade de einobadores, dedicados a diário ne l porgresso anquelibrado.

ENGIE an Pertual

La ENGIE ten un fuorte anraizamiento ne l campo de ls serbícios einergéticos, tales cumo la eifecéncia einergética i las redes para calcimiento i arrefecimiento ourbano. L Grupo ye tamien l sigundo maior produtor de einergie an Pertual, c’un manhuço de fuontes de einegie sortido, que cumprende arrimado a 10% de la einergie eiólica girada an Pertual. L Grupo stá repersentado, an Pertual, por quatro ampresas: la ENGIE Portugal, la Climaespaço, la Arclasse, la Hemera and TrustEnergy.

CREDIT AGRICOLE ASSURANCES

La Crédit Agricole Assurances ye la siguradora maioral an Fráncia. L grupo ouferece ua scuolha de produtos i serbícios que ténen a ber cun l aforro, reforma, salude, resguardo pessonal i siguro de propiadade. Estes stan spargidos puls bancos de l Crédit Agricole Group an Fráncia i an 9 países an todo l mundo, por meio de cunsultores de goberno de l patrimonho i de agentes gerales. Cun ls sous 4700 trabalhadores, las ampresas Crédit Agricole Assurances fazen serbícios a fregueses particulares, fregueses professionales, agricultores i ampresas.

MIROVA

La Mirova ye la felial de la Natixis Investment Managers que se dedica al ambestimiento sustenible. Por meio dua abordaige al ambestimiento ourientada pula crença, l prepósito de la Mirova ye cumbinar la criaçon de balor a lhargo tiempo cun l zambuolbimiento sustenible. Ls albelidosos trabalhadores de la ampresa ténen sido ls purmeiros an muitos campos que ténen que ber cun las finanças sustenibles. Ne ls últimos 17 anhos, ténen, tamien, ambriado l denheiro cun codícia an infrastruturas de einergie renobable, al todo, arriba de 2 GW de poténcia an más de 180 porjetos eiólicos, fotobultaicos, heidroeilétricos i biomassa, na Ouropa.